رہ بے سائباں سے کوئی رشتہ جوڑ کر دیکھوں

رہ بے سائباں سے کوئی رشتہ جوڑ کر دیکھوں

میں اپنے شہر کی ساری فصیلیں توڑ کر دیکھوں

ہوا کے رخ پہ اڑتے ابر کو روکوں بھلا کیسے

جو رستہ خشک ہے تو آبلہ ہی پھوڑ کر دیکھوں

تعین تو کروں کس سمت میں مجھ کو بھٹکنا ہے

کسی کے ساتھ ہو لوں یا کسی کو چھوڑ کر دیکھوں

تمہارا عکس میری آنکھ پر کیوں کھل نہیں پاتا

اس آئینے کے اندر کیا ہے اس کو توڑ کر دیکھوں

مجھے لگتا تو ہے میں بھی کسی رستے کی منزل ہوں

ذرا اک زندگی کے زاویے کو موڑ کر دیکھوں

rah-e-be saiban se koi rishta jor kar dekhun

main apne shahr ki sari fasilen tor kar dekhun

hawa ke rukh pe urte abr ko rokun bhala kaise

jo rasta khushk hai to abla hi phor kar dekhun

taayyun to karun kis samt mein mujh ko bhatakna hai

kisi ke sath ho lun ya kisi ko chhor kar dekhun

tumhara aks meri ankh par kyun khul nahin pata

is aine ke andar kya hai us ko tor kar dekhun

mujhe lagta to hai main bhi kisi raste ki manzil hun

zara ik zindagi ke zawiye ko mor kar dekhun