دے تسلی مرے خدا کوئی

دے تسلی مرے خدا کوئی

حال دل کی نہیں دوا کوئی

حالت رنج میں ہوا معلوم

کیسے کرتا ہے التجا کوئی

تم سے جڑتی ہیں دل کی دیواریں

آؤ کر دیں مکاں کھڑا کوئی

کیا یہی عشق ہے محبت ہے

مجھ کو ملتا نہیں سرا کوئی

تجھ سے نسبت عجیب نسبت ہے

مجھ کو اپنا نہیں پتا کوئی

وہ بھی ہونے لگا جدا مجھ سے

جس کو اپنا نہیں ملا کوئی

سب ہی حالات کے ہیں مارے ہوئے

مشکلوں سے نہیں بچا کوئی

de tasalli mire khuda koi

hal-e-dil ki nahin dawa koi

halat-e-ranj mein hua maalum

kaise karta hai iltija koi

tum se jurti hain dil ki diwaren

ao kar den makan khara koi

kya yahi ishq hai mohabbat hai

mujh ko milta nahin sara koi

tujh se nisbat ajib nisbat hai

mujh ko apna nahin pata koi

wo bhi hone laga juda mujh se

jis ko apna nahin mila koi

sab hi halat ke hain mare hue

mushkilon se nahin bacha koi