راستے کی سمت اکثر دیکھتے رہتے ہیں کیوں

راستے کی سمت اکثر دیکھتے رہتے ہیں کیوں

خاک اپنے فیصلوں کی چھانتے رہتے ہیں کیوں

کیوں جلا رکھتے ہیں ہم اپنے تجسس کا دیا

جس کو پا لیتے ہیں اس کو ڈھونڈتے رہتے ہیں کیوں

ہم مہک کے استعارے کو بدلتے کیوں نہیں

تحفۂ خوشبو گلوں سے مانگتے رہتے ہیں کیوں

تجربہ ہم توڑنے کا کیوں اسے کرتے نہیں

رنجشوں کے دائرے میں گھومتے رہتے ہیں کیوں

لوح نا ہموار پر حرف وفا تو لکھ دیا

اس کی بابت اس قدر اب سوچتے رہتے ہیں کیوں

raste ki samt aksar dekhte rahte hain kyun

khak apne faislon ki chhante rahte hain kyun

kyun jala rakhte hain ham apne tajassus ka diya

jis ko pa lete hain us ko dhundte rahte hain kyun

ham mahak ke istiare ko badalte kyun nahin

tohfa-e-khushbu gulon se mangte rahte hain kyun

tajriba ham torne ka kyun use karte nahin

ranjishon ke daire mein ghumte rahte hain kyun

lauh-e-na hamwar par harf-e-wafa to likh diya

us ki babat is qadar ab sochte rahte hain kyun