مثال عکس مرے آئنے میں ڈھلتا رہا

مثال عکس مرے آئنے میں ڈھلتا رہا

وہ خد و خال بھی اپنے مگر بدلتا رہا

میں پتھروں پہ گری اور خود سنبھل بھی گئی

وہ خامشی سے مرے ساتھ ساتھ چلتا رہا

اجالا ہوتے ہی کیسے اسے بجھاؤں گی

اگر چراغ مرا تا بہ صبح جلتا رہا

میں اس کے معنی و مقصد کے سنگ چنتی رہی

وہ ایک حرف جو احساس کو کچلتا رہا

زمیں خلوص کی مٹی سے بے نیاز رہی

رفاقتوں کا شجر واہموں پہ پلتا رہا

misal aks mire aine mein dhalta raha

wo khad-o-khal bhi apne magar badalta raha

main pattharon pe giri aur khud sambhal bhi gai

wo khamushi se mire sath sath chalta raha

ujala hote hi kaise use bujhaungi

agar charagh mira ta ba subh jalta raha

main us ke maani-o-maqsad ke sang chunti rahi

wo ek harf jo ehsas ko kuchalta raha

zamin khulus ki mitti se be niyaz rahi

rifaqaton ka shajar wahimon pe palta raha