افق تک میرا صحرا کھل رہا ہے

افق تک میرا صحرا کھل رہا ہے

کہیں دریا سے دریا مل رہا ہے

لباس ابر نے بھی رنگ بدلا

زمیں کا پیرہن بھی سل رہا ہے

اسی تخلیق کی آسودگی میں

بہت بے چین میرا دل رہا ہے

کسی کے نرم لہجے کا قرینہ

مری آواز میں شامل رہا ہے

میں اب اس حرف سے کترا رہی ہوں

جو میری بات کا حاصل رہا ہے

کسی کے دل کی ناہمواریوں پر

سنبھلنا کس قدر مشکل رہا ہے

ufuq tak mera sahra khul raha hai

kahin dariya se dariya mil raha hai

libas-e-abr ne bhi rang badla

zamin ka pairahan bhi sil raha hai

isi takhliq ki asudgi mein

bahut be chain mera dil raha hai

kisi ke narm lahje ka qarina

miri awaz mein shamil raha hai

main ab is harf se katra rahi hun

jo meri bat ka hasil raha hai

kisi ke dil ki nahamwariyon par

sambhalna kis qadar mushkil raha hai