رسائی کا قرینہ آنکھ میں ہے

رسائی کا قرینہ آنکھ میں ہے

زہے قسمت مدینہ آنکھ میں ہے

میں تیرے شہر کی جانب رواں ہوں

سر دریا سفینہ آنکھ میں ہے

ترے دست رسا میں باب رحمت

شفاعت کا خزینہ آنکھ میں ہے

نہ چٹخے دیکھنا یہ تشنگی سے

طلب کا آبگینہ آنکھ میں ہے

جلا دے اس کو اپنی روشنی سے

دعاؤں کا نگینہ آنکھ میں ہے

rasai ka qarina ankh mein hai

zahe qismat madina ankh mein hai

main tere shahr ki janib rawan hun

sar-e-dariya safina ankh mein hai

tire dast-e-rasa mein bab-e-rahmat

shafaat ka khazina ankh mein hai

na chatkhe dekhna ye tishnagi se

talab ka abgina ankh mein hai

jala de us ko apni raushni se

duaon ka nagina ankh mein hai