کتنا مشکل تھا یہ رستہ کون لکھے گا

کتنا مشکل تھا یہ رستہ کون لکھے گا

پوری بات اور پورا قصہ کون لکھے گا

دن اور رات کے آدھے آدھے بٹوارے میں

کتنا کم تھا کس کا حصہ کون لکھے گا

کن ہاتھوں نے کیسے کیسے پتھر کاٹے

کیسے دن کا بوجھ اٹھایا کون لکھے گا

کتنی دیر کو ہریالی نے آنکھیں کھولیں

کتنی دیر کو بادل برسا کون لکھے گا

جنگل میں گم ہو جانے والے رستے پر

کتنی دھوپ تھی کتنا سایہ کون لکھے گا

شہر جلا تو کس نے اس کی راکھ سمیٹی

کتنا تھا کس کا سرمایہ کون لکھے گا

گرتی دیواروں میں سانس کہاں تھی باقی

اور کہاں تک بکھرا ملبہ کون لکھے گا

kitna mushkil tha ye rasta kaun likhega

puri bat aur pura qissa kaun likhega

din aur rat ke adhe adhe batware mein

kitna kam tha kis ka hissa kaun likhega

kin hathon ne kaise kaise patthar kate

kaise din ka bojh uthaya kaun likhega

kitni der ko hariyali ne ankhen kholen

kitni der ko badal barsa kaun likhega

jangal mein gum ho jane wale raste par

kitni dhup thi kitna saya kaun likhega

shahr jala to kis ne us ki rakh sameti

kitna tha kis ka sarmaya kaun likhega

girti diwaron mein sans kahan thi baqi

aur kahan tak bikhra malba kaun likhega