ہم نے کسی کو عہد وفا سے رہا کیا

ہم نے کسی کو عہد وفا سے رہا کیا

اپنی رگوں سے جیسے لہو کو جدا کیا

اس کے شکستہ وار کا بھی رکھ لیا بھرم

یہ قرض ہم نے زخم کی صورت ادا کیا

اس میں ہماری اپنی خودی کا سوال تھا

احساں نہیں کیا ہے جو وعدہ وفا کیا

جس سمت کی ہوا ہے اسی سمت چل پڑیں

جب کچھ نہ ہو سکا تو یہی فیصلہ کیا

عہد مسافرت سے وہ منسوخ ہو چکی

جس رہ گزر سے تم نے مجھے آشنا کیا

اپنی شکستگی پہ وہ نادم نہیں ہوا

میری برہنہ پائی کا جس نے گلہ کیا

ham ne kisi ko ahd-e-wafa se raha kiya

apni ragon se jaise lahu ko juda kiya

us ke shikasta war ka bhi rakh liya bharam

ye qarz ham ne zakhm ki surat ada kiya

is mein hamari apni khudi ka sawal tha

ehsan nahin kiya hai jo waada wafa kiya

jis samt ki hawa hai usi samt chal paren

jab kuchh na ho saka to yahi faisla kiya

ahd-e-masafrat se wo mansukh ho chuki

jis rah guzar se tum ne mujhe ashna kiya

apni shikastagi pe wo nadim nahin hua

meri barahna pai ka jis ne gila kiya