کوئی پوچھے مرے مہتاب سے میرے ستاروں سے

کوئی پوچھے مرے مہتاب سے میرے ستاروں سے

چھلکتا کیوں نہیں سیلاب میں پانی کناروں سے

مکمل ہو تو سچائی کہاں تقسیم ہوتی ہے

یہ کہنا ہے محبت کے وفا کے حصہ داروں سے

ٹھہر جائے در و دیوار پر جب تیسرا موسم

نہیں کچھ فرق پڑتا پھر خزاؤں سے بہاروں سے

بگولے آگ کے رقصاں رہے تا دیر ساحل پر

سمندر کا سمندر چھپ گیا اڑتے شراروں سے

مری ہر بات پس منظر سے کیوں منسوب ہوتی ہے

مجھے آواز سی آتی ہے کیوں اجڑے دیاروں سے

جہاں تا حد بینائی مسافر ہی مسافر ہوں

نشاں قدموں کے مٹ جاتے ہیں ایسی رہ گزاروں سے

koi puchhe mire mahtab se mere sitaron se

chhalakta kyun nahin sailab mein pani kinaron se

mukammal ho to sachchai kahan taqsim hoti hai

ye kahna hai mohabbat ke wafa ke hissa daron se

thahar jae dar-o-diwar par jab tisra mausam

nahin kuchh farq parta phir khazaon se baharon se

bagule ag ke raqsan rahe ta der sahil par

samundar ka samundar chhup gaya urte shararon se

miri har bat pas manzar se kyun mansub hoti hai

mujhe awaz si ati hai kyun ujre dayaron se

jahan ta had-e-binai musafir hi musafir hun

nishan qadmon ke mit jate hain aisi rah guzaron se