ہمیں خبر تھی بچانے کا اس میں یارا نہیں

ہمیں خبر تھی بچانے کا اس میں یارا نہیں

سو ہم بھی ڈوب گئے اور اسے پکارا نہیں

خود آفتاب مری راہ کا چراغ بنے

مگر یہ بات مرے چاند کو گوارا نہیں

جو اس میں اتری تو طوفان ہی ملیں گے مجھے

میں جانتی ہوں کہ وہ موج ہے کنارا نہیں

عجب فضا ہے کہ رنگ نمود صبح بھی ہے

سیاہ رات نے بھی پیرہن اتارا نہیں

وجود جس کو کسی معتبر شجر نے دیا

ہوا کی زد میں بھی تنکا وہ بے سہارا نہیں

جلے گا خود بھی سحر تک مجھے بھی لو دے گا

چراغ شام کوئی بخت کا ستارا نہیں

hamen khabar thi bachane ka is mein yara nahin

so ham bhi dub gae aur use pukara nahin

khud aftab miri rah ka charagh bane

magar ye bat mire chand ko gawara nahin

jo is mein utri to tufan hi milenge mujhe

main janti hun ke wo mauj hai kinara nahin

ajab faza hai ke rang-e-numud-e-subh bhi hai

siyah rat ne bhi pairahan utara nahin

wajud jis ko kisi motabar shajar ne diya

hawa ki zad mein bhi tinka wo be sahara nahin

jalega khud bhi sahar tak mujhe bhi lo dega

charagh-e-sham koi bakht ka sitara nahin