مسلسل ایک ہی تصویر چشم تر میں رہی

مسلسل ایک ہی تصویر چشم تر میں رہی

چراغ بجھ بھی گیا روشنی سفر میں رہی

رہ حیات کی ہر کشمکش پہ بھاری ہے

وہ بیکلی جو ترے عہد مختصر میں رہی

خوشی کے دور تو مہماں تھے آتے جاتے رہے

اداسی تھی کہ ہمیشہ ہمارے گھر میں رہی

ہمارے نام کی حق دار کس طرح ٹھہرے

وہ زندگی جو مسلسل ترے اثر میں رہی

نئی اڑان کا رستہ دکھا رہی ہے ہمیں

وہ گرد پچھلے سفر کی جو بال و پر میں رہی

musalsal ek hi taswir chashm-e-tar mein rahi

charagh bujh bhi gaya raushni safar mein rahi

rah-e-hayat ki har kashmakash pe bhari hai

wo bekali jo tire ahd-e-mukhtasar mein rahi

khushi ke daur to mehman the ate jate rahe

udasi thi ke hamesha hamare ghar mein rahi

hamare nam ki haq dar kis tarah thahre

wo zindagi jo musalsal tire asar mein rahi

nai uran ka rasta dikha rahi hai hamen

wo gard pichhle safar ki jo bal-o-par main rahi