اتنے آسودہ کنارے نہیں اچھے لگتے

اتنے آسودہ کنارے نہیں اچھے لگتے

ایک ہی جیسے نظارے نہیں اچھے لگتے

اتنی بے ربط کہانی نہیں اچھی لگتی

اور واضح بھی اشارے نہیں اچھے لگتے

ذرا دھیمی ہو تو خوشبو بھی بھلی لگتی ہے

آنکھ کو رنگ بھی سارے نہیں اچھے لگتے

پاس آ جائیں تو بے نوری مقدر ٹھہرے

دور بھی اتنے ستارے نہیں اچھے لگتے

اپنی گمنامی کے صحراؤں میں خوش رہتی ہوں

اب مجھے شہر تمہارے نہیں اچھے لگتے

itne asuda kinare nahin achchhe lagte

ek hi jaise nazare nahin achchhe lagte

itni be rabt kahani nahin achchhi lagti

aur wazeh bhi ishare nahin achchhe lagte

zara dhimi ho to khushbu bhi bhali lagti hai

ankh ko rang bhi sare nahin achchhe lagte

pas a jaen to be nuri muqaddar thahre

dur bhi itne sitare nahin achchhe lagte

apni gumnami ke sahraon mein khush rahti hun

ab mujhe shahr tumhare nahin achchhe lagte