پردہ آنکھوں سے ہٹانے میں بہت دیر لگی

پردہ آنکھوں سے ہٹانے میں بہت دیر لگی

ہمیں دنیا نظر آنے میں بہت دیر لگی

نظر آتا ہے جو ویسا نہیں ہوتا کوئی شخص

خود کو یہ بات بتانے میں بہت دیر لگی

ایک دیوار اٹھائی تھی بڑی عجلت میں

وہی دیوار گرانے میں بہت دیر لگی

آگ ہی آگ تھی اور لوگ بہت چاروں طرف

اپنا تو دھیان ہی آنے میں بہت دیر لگی

جس طرح ہم کبھی ہونا ہی نہیں چاہتے تھے

خود کو پھر ویسا بنانے میں بہت دیر لگی

یہ ہوا تو کہ ہر اک شے کی کشش ماند پڑی

مگر اس موڑ پہ آنے میں بہت دیر لگی

parda ankhon se hatane mein bahut der lagi

hamen duniya nazar ane mein bahut der lagi

nazar ata hai jo waisa nahin hota koi shakhs

khud ko ye bat batane mein bahut der lagi

ek diwar uthai thi bari ujlat mein

wahi diwar girane mein bahut der lagi

ag hi ag thi aur log bahut charon taraf

apna to dhyan hi ane mein bahut der lagi

jis tarah ham kabhi hona hi nahin chahte the

khud ko phir waisa banane mein bahut der lagi

ye hua to ke har ik shai ki kashish mand pari

magar is mor pe ane mein bahut der lagi