جب بہایا ہی نہیں آنکھ سے پانی میں نے

جب بہایا ہی نہیں آنکھ سے پانی میں نے

ایک ہی لفظ میں لکھ دی ہے کہانی میں نے

ضبط طوفان کا ٹوٹا نہ کبھی سینے میں

روک رکھی ہے سمندر کی روانی میں نے

شبد بے خوف کتابوں میں اتارے میں نے

پھر کتابوں پہ جمی خاک بھی چھانی میں نے

مجھ کو وجدان تھا سیلاب نے تو آنا ہے

دیکھ لی خواب میں اس شام نشانی میں نے

آرزوؤں نے مرے دل میں تباہی کر دی

پھر کسی چاہ کی امید نہ ٹھانی میں نے

تو نے سمجھا تھا مجھے آج بھی پاگل ہوں وہی

عادتیں چھوڑ دیں جتنی تھیں پرانی میں نے

کیا بتاؤں میں اسے عمر گریزاں سے عمودؔ

سیکھ لی دشت میں اب خاک اڑانی میں نے

jab bahaya hi nahin ankh se pani main ne

ek hi lafz mein likh di hai kahani main ne

zabt tufan ka tuta na kabhi sine mein

rok rakhi hai samundar ki rawani main ne

shabd be khauf kitabon mein utare main ne

phir kitabon pe jami khak bhi chhani main ne

mujh ko wijdan tha sailab ne to ana hai

dekh li khwab mein us sham nishani main ne

arzuon ne mire dil mein tabahi kar di

phir kisi chah ki ummid na thani main ne

tu ne samjha tha mujhe aj bhi pagal hun wahi

adaten chhor den jitni thin purani main ne

kya bataun main use umr-e-gurezan se umud

sikh li dasht mein ab khak urani main ne