کسی کی زلف کسی کے لبوں کو چاہا تھا

کسی کی زلف کسی کے لبوں کو چاہا تھا

فریب دیتی ہوئی صورتوں کو چاہا تھا

ہے اس کے دل میں بھی اک آئنہ سا ٹوٹا ہوا

اور اس کو یاد ہے کن پتھروں کو چاہا تھا

وہ بارشیں وہ ہوائیں وہ بادلوں کے ہجوم

کسی کے پیار میں سب موسموں کو چاہا تھا

اداس کرتے ہوئے راستوں نے پوچھا ہے

کہاں گئے ہیں وہ جن دوستوں کو چاہا تھا

خود اپنے حال پہ ہم دونوں ہنس پڑے فیصلؔ

کہ ہم نے اپنے سوا دوسروں کو چاہا تھا

kisi ki zulf kisi ke labon ko chaha tha

fareb deti hui suraton ko chaha tha

hai us ke dil mein bhi ik aina sa tuta hua

aur us ko yad hai kin pattharon ko chaha tha

wo barishen wo hawaen wo badalon ke hujum

kisi ke pyar mein sab mausamon ko chaha tha

udas karte hue raston ne puchha hai

kahan gae hain wo jin doston ko chaha tha

khud apne hal pe ham donon hans pare faisal

ke ham ne apne siwa dusron ko chaha tha