کس نے اس دشت میں گھر بار لٹانا ہے میاں

کس نے اس دشت میں گھر بار لٹانا ہے میاں

ایسے ویرانے کو ہم نے ہی سجانا ہے میاں

آپ سے کس نے کہا آپ بھی بارش مانگیں

آپ کا کام فقط آگ لگانا ہے میاں

ان بھڑکتے ہوئے جذبات پہ قابو رکھیے

ہم نے اسٹیج پہ کچھ اور دکھانا ہے میاں

دوستی ہوتی تو پھر سب کو بتاتے پھرتے

یہ محبت ہے اسے سب سے چھپانا ہے میاں

نہ منافق ہو نہ آتی ہے خوشامد تم کو

تم نے کیا خاک یہاں نام کمانا ہے میاں

آپ سے کون کرے بحث سر بزم رقیب

آپ نے ہم پہ ہی الزام لگانا ہے میاں

آؤ سر رکھ لو بڑا چین ملے گا فیصلؔ

یہ طوائف کا نہیں یار کا شانہ ہے میاں

kis ne is dasht mein ghar bar lutana hai miyan

aise wirane ko ham ne hi sajana hai miyan

ap se kis ne kaha ap bhi barish mangen

ap ka kam faqat ag lagana hai miyan

un bharakte hue jazbat pe qabu rakhiye

ham ne istej pe kuchh aur dikhana hai miyan

dosti hoti to phir sab ko batate phirte

ye mohabbat hai use sab se chhupana hai miyan

na munafiq ho na ati hai khushamad tum ko

tum ne kya khak yahan nam kamana hai miyan

ap se kaun kare bahs sar-e-bazm-e-raqib

ap ne ham pe hi ilzam lagana hai miyan

ao sar rakh lo bara chain milega faisal

ye tawaif ka nahin yar ka shana hai miyan