نہ موم ہوں نہ سنگ ہوں ملنگ ہوں

نہ موم ہوں نہ سنگ ہوں ملنگ ہوں

میں خود سے خود کی جنگ ہوں ملنگ ہوں

تمہیں جہان رنگ و بو کا شوق ہے

میں زندگی سے تنگ ہوں ملنگ ہوں

مرے بدن پہ عشق کے نشان ہیں

تری نظر میں ننگ ہوں ملنگ ہوں

چھلک پڑے ہیں جام جس کے ساز سے

میں ایسی جل ترنگ ہوں ملنگ ہوں

نہ گرد کا نہ بارشوں کا ڈر مجھے

میں ایسا خاص رنگ ہوں ملنگ ہوں

ترے بدن کے معجزوں کو دیکھ کر

میں عقل والا دنگ ہوں ملنگ ہوں

نہ روک مجھ کو رقص سے میں کہہ چکا

ملنگ ہوں ملنگ ہوں ملنگ ہوں

na mom hun na sang hun malang hun

main khud se khud ki jang hun malang hun

tumhen jahan-e-rang-o-bu ka shauq hai

main zindagi se tang hun malang hun

mire badan pe ishq ke nishan hain

tiri nazar mein nang hun malang hun

chhalak pare hain jam jis ke saz se

main aisi jal tarang hun malang hun

na gard ka na barishon ka dar mujhe

main aisa khas rang hun malang hun

tire badan ke mojizon ko dekh kar

main aql wala dang hun malang hun

na rok mujh ko raqs se main kah chuka

malang hun malang hun malang hun