وہ بیکلی ہے کوئی راستہ سجھائی نہ دے
Badr Jameel (b. 1946)وہ بیکلی ہے کوئی راستہ سجھائی نہ دے
وہ شور ہے کہ خود اپنی صدا سنائی نہ دے
میں کیا کروں گا بھلا جا کے اس بلندی پر
جہاں سے میرا ہی سایہ مجھے دکھائی نہ دے
جو مجھ کو درد کے اندھے کنویں میں پھینک آئے
مرے وجود کو وہ کرب آشنائی نہ دے
نہ جانے کون ہے مجھ میں جو ہر گھڑی مجھ کو
کوئی سجھاؤ سا دیتا رہے دکھائی نہ دے
جمیلؔ وقت سے آگے نکل گئے ہم لوگ
زمانہ اب ہمیں الزام نارسائی نہ دے
wo bekali hai koi rasta sujhai na de
wo shor hai ke khud apni sada sunai na de
main kya karunga bhala ja ke is bulandi par
jahan se mera hi saya mujhe dikhai na de
jo mujh ko dard ke andhe kuen mein phenk ae
mire wajud ko wo karb-e-ashnai na de
na jane kaun hai mujh mein jo har ghari mujh ko
koi sujhao sa deta rahe dikhai na de
jamil waqt se age nikal gae ham log
zamana ab hamen ilzam narasai na de