سوز جنوں نے وقت سے ڈرنے نہیں دیا

سوز جنوں نے وقت سے ڈرنے نہیں دیا

آسان راستوں سے گزرنے نہیں دیا

ساحل پہ جا اترنا تو لمحوں کی بات تھی

ایک بے دلی تھی جس نے ابھرنے نہیں دیا

گھیرا کچھ اس طرح سے غم روزگار نے

خود اپنے آپ میں بھی اترنے نہیں دیا

اونچی حویلیوں نے بھی کیا ظلم ڈھائے ہیں

سورج بھی آنگنوں میں اترنے نہیں دیا

ایک سوز اندروں نے ہر اک موڑ پر جمیلؔ

سچائیوں سے ہم کو مکرنے نہیں دیا

soz-e-junun ne waqt se darne nahin diya

asan raston se guzarne nahin diya

sahil pe ja utarna to lamhon ki bat thi

ek be dili thi jis ne ubharne nahin diya

ghera kuchh is tarah se gham-e-rozgar ne

khud apne ap mein bhi utarne nahin diya

unchi haweliyon ne bhi kya zulm dhae hain

suraj bhi anganon mein utarne nahin diya

ek soz-e-andarun ne har ik mor par jamil

sachchaiyon se ham ko mukarne nahin diya