پرکھوں کی بو باس لیے پھرتا ہوں

پرکھوں کی بو باس لیے پھرتا ہوں

مٹھی بھر احساس لیے پھرتا ہوں

چاروں اور سمندر اور میں پل پل

ایک انجانی پیاس لیے پھرتا ہوں

رام کو تو بن باس لیے پھرتا تھا

میں خود میں بن باس لیے پھرتا ہوں

محفل محفل خیمہ زن مایوسی

منزل منزل آس لیے پھرتا ہوں

ہر موسم کا کرب چھپا ہے مجھ میں

میں ہر رت کی پیاس لیے پھرتا ہوں

purkhon ki bu bas liye phirta hun

mutthi bhar ehsas liye phirta hun

charon aur samundar aur main pal pal

ek anjani pyas liye phirta hun

ram ko to ban bas liye phirta tha

main khud mein ban bas liye phirta hun

mahfil mahfil khema zan mayusi

manzil manzil as liye phirta hun

har mausam ka karb chhupa hai mujh mein

main har rut ki pyas liye phirta hun