خوش قامتی کے زعم میں دانائی جائے گی

خوش قامتی کے زعم میں دانائی جائے گی

سورج نہ دیکھ آنکھ کی بینائی جائے گی

یا رب کوئی فرشتہ جسے دوست کہہ سکوں

انسان کی تلاش میں بینائی جائے گی

دو چار جھوٹ بول کے آئی بلا کو ٹال

سچ بولنے کے جرم میں گویائی جائے گی

نسلی رقابتوں میں گئے اپنے بام و در

اب آپسی نفاق میں انگنائی جائے گی

زخموں سے ہے جمیلؔ مذاق سخن میں جاں

یہ بھر گئے تو پھر سخن آرائی جائے گی

khush qamati ke zaam mein danai jaegi

suraj na dekh ankh ki binai jaegi

ya rab koi farishta jise dost kah sakun

insan ki talash mein binai jaegi

do char jhut bol ke ai bala ko tal

sach bolne ke jurm mein goyai jaegi

nasli raqabaton mein gae apne bam-o-dar

ab apasi nifaq mein angnai jaegi

zakhmon se hai jamil mazaq-e-sukhan mein jan

ye bhar gae to phir sukhan arai jaegi