پہلے تو کبھی وقت یہ ہم پر نہیں آیا

پہلے تو کبھی وقت یہ ہم پر نہیں آیا

ہم چلتے رہے چلتے رہے گھر نہیں آیا

سورج کی ہے بے خبری کہ موسم کی شرارت

کیوں سایہ مرے قد کے برابر نہیں آیا

کیا لوگ تھے بستی میں کہ جلتی رہی بستی

اور گھر سے نکل کر کوئی باہر نہیں آیا

کیوں ولولے محدود ہوئے لفظ و بیاں تک

کیوں دار تلک کوئی قد آور نہیں آیا

اس بار بھی کیا یوں ہی گزر جائے گا ساون

اس بار بھی تو پیڑ پہ پتھر نہیں آیا

pahle to kabhi waqt ye ham par nahin aya

ham chalte rahe chalte rahe ghar nahin aya

suraj ki hai be khabari ke mausam ki shararat

kyun saya mire qad ke barabar nahin aya

kya log the basti mein ke jalti rahi basti

aur ghar se nikal kar koi bahar nahin aya

kyun walwale mahdud hue lafz-o-bayan tak

kyun dar talak koi qad awar nahin aya

is bar bhi kya yun hi guzar jaega sawan

is bar bhi to per pe patthar nahin aya