جب بھی ڈوبے ہوئے سورج نے ابھرنا چاہا

جب بھی ڈوبے ہوئے سورج نے ابھرنا چاہا

شہر والوں نے بھی گلیوں میں بکھرنا چاہا

آج کانٹوں سے الجھتا ہے گریباں اس کا

جس نے سبزے پہ کبھی پاؤں نہ دھرنا چاہا

ہو گئیں صورت دیوار ہوائیں حائل

جب کسی اشک نے دامن پہ اترنا چاہا

چاندنی‌ شب تھی کہ میں تھا کہ ہوا کے سائے

ہر کسی نے ترے کوچے میں ٹھہرنا چاہا

لے گیا کیفؔ صلیبوں کو اٹھا کر کوئی

غم کے ماروں نے کسی وقت جو مرنا چاہا

jab bhi dube hue suraj ne ubharna chaha

shahr walon ne bhi galiyon mein bikharna chaha

aj kanton se ulajhta hai gareban us ka

jis ne sabze pe kabhi paon na dharna chaha

ho gain surat-e-diwar hawaen hail

jab kisi ashk ne daman pe utarna chaha

chandni shab thi ke main tha ke hawa ke sae

har kisi ne tire kuche mein thaharna chaha

le gaya kaif salibon ko utha kar koi

gham ke maron ne kisi waqt jo marna chaha