روح تنہا گئی جنت کو سبکساری سے

روح تنہا گئی جنت کو سبکساری سے

چار کے کاندھے اٹھا جسم گرانباری سے

طاق طاقت ہے غم ہجر کی بیماری سے

بیٹھتے اٹھتے ہیں آہوں کی مددگاری سے

حسن رخسار بڑھا خط کی نموداری سے

زینت صفحہ ہوئی جدول زنگاری سے

تو جو تلوار سے نہلائے لہو میں مجھ کو

غسل صحت ہوا بھی عشق کی بیماری سے

اور تو ترک کیا سب نے شب فرقت میں

بیکسی باز نہ آئی مری غم خواری سے

ruh tanha gai jannat ko subuksari se

char ke kandhe utha jism giranbari se

taq-e-taqat hai gham-e-hijr ki bimari se

baithte uthte hain ahon ki madadgari se

husn-e-rukhsar barha khat ki numudari se

zinat-e-safha hui jadwal-e-zangari se

tu jo talwar se nehlae lahu mein mujh ko

ghusl-e-sehhat hua bhi ishq ki bimari se

aur to tark kiya sab ne shab-e-furqat mein

bekasi baz na ai miri gham khwari se