سر کٹا کر صفت شمع جو مر جاتے ہیں

سر کٹا کر صفت شمع جو مر جاتے ہیں

نام روشن وہی آفاق میں کر جاتے ہیں

لاکھوں کا خون بہائیں گے وہ جب ہوں گے جواں

جو لڑکپن میں لہو دیکھ کے ڈر جاتے ہیں

جنبش تیغ نگہ کی نہیں حاجت اصلاً

کام میرا وہ اشاروں ہی میں کر جاتے ہیں

ان کو عشاق ہی کے دل کی نہیں ہے تخصیص

کوئی شیشہ ہو پری بن کے اتر جاتے ہیں

برق کی طرح سے بیتاب جو ہیں اے نادرؔ

تار گھر کس کی وہ لینے کو خبر جاتے ہیں

sar kata kar sifat-e-shama jo mar jate hain

nam raushan wahi afaq mein kar jate hain

lakhon ka khun bahaenge wo jab honge jawan

jo larakpan mein lahu dekh ke dar jate hain

jumbish-e-tegh-e-nigah ki nahin hajat aslan

kam mera wo isharon hi mein kar jate hain

un ko ushshaq hi ke dil ki nahin hai takhsis

koi shisha ho pari ban ke utar jate hain

barq ki tarah se betab jo hain ai nadir

tar ghar kis ki wo lene ko khabar jate hain