اے بت ہیں حسن میں تری مشہور پنڈلیاں

اے بت ہیں حسن میں تری مشہور پنڈلیاں

ایسی کہاں سے لائے پری حور پنڈلیاں

ممکن نہیں کہ یوں تو کسی کی نظر پڑے

کھل جائیں نیند میں تو ہیں معذور پنڈلیاں

بیداریوں میں آئیں نظر یہ تو ہے محال

مخفی ہیں وقت خواب بدستور پنڈلیاں

تاباں مثال شمع ہیں فانوس نور سے

ہر چند پائچوں میں ہیں مستور پنڈلیاں

اے نادرؔ ان کے حسن کی تعریف کیا لکھوں

شمع لگن سے بڑھ کے ہیں پر نور پنڈلیاں

ai but hain husn mein tiri mashhur pindliyan

aisi kahan se lae pari hur pindliyan

mumkin nahin ke yun to kisi ki nazar pare

khul jaen nind mein to hain maazur pindliyan

bedariyon mein aen nazar ye to hai muhal

makhfi hain waqt-e-khwab badastur pindliyan

taban misal-e-shama hain fanus nur se

har chand paichon mein hain mastur pindliyan

ai nadir un ke husn ki taarif kya likhun

shama lagan se barh ke hain pur nur pindliyan