دل آنکھوں سے عاشق بچائے ہوئے ہیں

دل آنکھوں سے عاشق بچائے ہوئے ہیں

ہرن کو وہ چیتا بنائے ہوئے ہیں

نہیں لکھتے ہیں خط جو ہم کو وہ قاصد

کسی کے سکھائے پڑھائے ہوئے ہیں

نہ خنجر اٹھے گا نہ تلوار ان سے

وہ بازو مرے آزمائے ہوئے ہیں

اگر ان کو پوجا تو کیا کفر ہوگا

کہ بت بھی خدا کے بنائے ہوئے ہیں

کوئی باندھو نہ باندھے اب کچھ نہ ہوگا

کہ ہم رنگ اپنا جمائے ہوئے ہیں

ہزج میں بھی اشعار اے نادرؔ اب پڑھ

کہ بزم سخن میں سب آئے ہوئے ہیں

dil ankhon se ashiq bachae hue hain

hiran ko wo chita banae hue hain

nahin likhte hain khat jo ham ko wo qasid

kisi ke sikhae parhae hue hain

na khanjar uthega na talwar un se

wo bazu mire azmae hue hain

agar un ko puja to kya kufr hoga

ke but bhi khuda ke banae hue hain

koi bandho na bandhe ab kuchh na hoga

ke ham rang apna jamae hue hain

hazaj mein bhi ashar ai nadir ab parh

ke bazm-e-sukhan mein sab ae hue hain