پھولوں کو اپنے پاؤں سے ٹھکرائے جاتے ہیں

پھولوں کو اپنے پاؤں سے ٹھکرائے جاتے ہیں

مل کر وہ عطر باغ میں اترائے جاتے ہیں

اے دل قرار صبر ہے لازم فراق میں

بیتابیوں سے کیا وہ تری آئے جاتے ہیں

آئے ہیں دن بہار کے صیاد کہہ رہا

طائر قفس میں باغ کے گھبرائے جاتے ہیں

چہلوں سے چھیڑ چھاڑ سے واقف نہیں ہیں وہ

کیا گدگدائیے کہ وہ شرمائے جاتے ہیں

تر شرم کے پسینے سے ایسے ہوئے ہیں رات

ملبوس خاص دھوپ میں سکھلائے جاتے ہیں

نازک کمر وہ ایسے ہیں وقت خرام ناز

زلفیں جو کھولتے ہیں تو بل کھائے جاتے ہیں

شکر خدائے پاک ہے اے نادرؔ حزیں

امت میں ہم رسول کی کہلائے جاتے ہیں

phulon ko apne paon se thukrae jate hain

mil kar wo itr bagh mein itrae jate hain

ai dil qarar sabr hai lazim firaq mein

betabiyon se kya wo tiri ae jate hain

ae hain din bahar ke sayyad kah raha

tair qafas mein bagh ke ghabrae jate hain

chahlon se chher chhar se waqif nahin hain wo

kya gudgudaiye ke wo sharmae jate hain

tar sharm ke pasine se aise hue hain rat

malbus khas dhup mein sukhlae jate hain

nazuk kamar wo aise hain waqt-e-khiram-e-naz

zulfen jo kholte hain to bal khae jate hain

shukr-e-khuda-e-pak hai ai nadir hazin

ummat mein ham rasul ki kahlae jate hain