غمگیں ہیں دل فگار ہیں میرے یہاں کے لوگ
Owais Ahmad Dauran (b. 1938)غمگیں ہیں دل فگار ہیں میرے یہاں کے لوگ
دامان تار تار ہیں میرے یہاں کے لوگ
پیدا کیا ہے جھوٹے مسیحاؤں نے جسے
اس درد کے شکار ہیں میرے یہاں کے لوگ
کیا جانیے ہیں کب سے جگر سوختہ مگر
انساں کے غم گسار ہیں میرے یہاں کے لوگ
گردن اگرچہ خم ہے اطاعت کے بوجھ سے
لیکن حریف دار ہیں میرے یہاں کے لوگ
دوراںؔ انہی کے زخم سے پھوٹے گی روشنی
مانا کہ سوگوار ہیں میرے یہاں کے لوگ
ghamgin hain dil figar hain mere yahan ke log
daman-e-tar tar hain mere yahan ke log
paida kya hai jhute masihaon ne jise
is dard ke shikar hain mere yahan ke log
kya janiye hain kab se jigar sokhta magar
insan ke gham gusar hain mere yahan ke log
gardan agarche kham hai itaat ke bojh se
lekin harif dar hain mere yahan ke log
dauran unhi ke zakhm se phutegi raushni
mana ke sogwar hain mere yahan ke log