تمہی سردار ہو گلشن کے یہ بتلا دینا

تمہی سردار ہو گلشن کے یہ بتلا دینا

کوئی ہمسر ہو تو دیوار میں چنوا دینا

مطلق الحکم ہیں سب ان دنوں گھبرائے ہوئے

یہ خبر اس کے حضور آج ہی پہنچا دینا

سر اٹھائے گا زمانہ یہ کہے دیتا ہوں

جوں ہی ایسا ہو اسے دار پہ کھنچوا دینا

میرے تاریک مکاں میں اسے ہوگی تکلیف

اے صبا اس کو گلستاں ہی میں ٹھہرا دینا

اس کسی چیز پہ بھولے سے بھی مچلا نہ کرے

میرے دوراںؔ دل پر خوں کو یہ سمجھا دینا

tumhi sardar ho gulshan ke ye batla dena

koi hamsar ho to diwar mein chunwa dena

mutlaq alhukm hain sab in dinon ghabrae hue

ye khabar us ke huzur aj hi pahuncha dena

sar uthaega zamana ye kahe deta hun

jun hi aisa ho use dar pe khinchwa dena

mere tarik makan mein use hogi taklif

ai saba us ko gulistan hi mein thahra dena

is kisi chiz pe bhule se bhi machla na kare

mere dauran dil pur khun ko ye samjha dena