تاریکی میں دیپ جلائے انساں کتنا پیارا ہے

تاریکی میں دیپ جلائے انساں کتنا پیارا ہے

راہیں ڈھونڈے منزل پائے انساں کتنا پیارا ہے

وقت مصیبت آنسو پونچھے ہمدردی کی بات کرے

ٹوٹے دل کو آس دلائے انساں کتنا پیارا ہے

مانگے سو سو طرح معافی چھوٹی سی اک بھول کی بھی

اپنی خطاؤں پر شرمائے انساں کتنا پیارا ہے

دل کی دھڑکن دل میں سموئے گیت کی لے ایجاد کرے

محفل محفل ساز بجائے انساں کتنا پیارا ہے

لیلیٰ خود آگاہ کی دھن میں دامن پھاڑے قیس بنے

صحرا صحرا خاک اڑائے انساں کتنا پیارا ہے

لے کے حریم ناز اس کے شیریں شیریں نغموں کو

دوراںؔ کی توقیر بڑھائے انساں کتنا پیارا ہے

tariki mein dip jalae insan kitna pyara hai

rahen dhunde manzil pae insan kitna pyara hai

waqt musibat ansu ponchhe hamdardi ki bat kare

tute dil ko as dilae insan kitna pyara hai

mange sau sau tarah muafi chhoti si ik bhul ki bhi

apni khataon par sharmae insan kitna pyara hai

dil ki dharkan dil mein samoe git ki le ijad kare

mahfil mahfil saz bajae insan kitna pyara hai

laila khud agah ki dhun mein daman phare qais bane

sahra sahra khak urae insan kitna pyara hai

le ke harim-e-naz us ke shirin shirin naghmon ko

dauran ki tauqir barhae insan kitna pyara hai