مرے نارسا تصور نے سراغ پا لیا ہے

مرے نارسا تصور نے سراغ پا لیا ہے

میں پتا لگا چکا ہوں تو کہاں کہاں چھپا ہے

مجھے کون سربلندی کی طرف بلا رہا ہے

مرا نرگسی تخیل تو شکست کھا چکا ہے

تجھے قاتلوں کے نرغے سے چھڑائے گا نہ کوئی

یہ ہے مقتل اے مسافر تو کسے پکارتا ہے

سر شام جو غریبوں کے دیے بجھا رہی ہیں

انہیں سازشوں کا مرکز یہ تری محل سرا ہے

کوئی موسمی پرندوں سے کہے ادھر نہ آئیں

ابھی میرے گلستاں کی بڑی مضمحل فضا ہے

سن اے میری پیاری دنیا مری بے قرار دنیا

ترا درد مند شاعر ترے گیت گا رہا ہے

وہ بہ زعم خود گلستاں کا ہے سربراہ دوراںؔ

جو وہ چاہے سو کرے گا اسے کون روکتا ہے

mire narasa tasawwur ne suragh-e-pa liya hai

main pata laga chuka hun to kahan kahan chhupa hai

mujhe kaun sarbulandi ki taraf bala raha hai

mira nargisi takhayyul to shikast kha chuka hai

tujhe qatilon ke narghe se chhuraega na koi

ye hai maqtal ai musafir to kise pukarta hai

sar-e-sham jo gharibon ke diye bujha rahi hain

unhen sazishon ka markaz ye tiri mahal sara hai

koi mausami parindon se kahe idhar na aen

abhi mere gulsitan ki bari muzmahil faza hai

sun ai meri pyari duniya miri be qarar duniya

tira dard mand shayar tire git ga raha hai

wo ba zaam khud gulistan ka hai sarbarah dauran

jo wo chahe so karega use kaun rokta hai