خزانے بھی ملیں اس کے عوض تو ہم نہ بیچیں گے

خزانے بھی ملیں اس کے عوض تو ہم نہ بیچیں گے

ہمارا غم ہے مظلوموں کا غم یہ غم نہ بیچیں گے

کہستانوں سے پتھر کاٹ کر لائیں گے ہم لیکن

کسی ظالم کے ہاتھوں زخم کا مرہم نہ بیچیں گے

بلا سے دھول پھانکیں یا پرانے چیتھڑے پہنیں

مگر یارو متاع علم و دانش ہم نہ بیچیں گے

کسی دربار میں جا کر ادب اور فن کی صورت میں

تمہاری عنبریں زلفوں کے پیچ و خم نہ بیچیں گے

ہمارا انقلاب آئے گا جب تو کام آئے گا

ابھی اپنی تمنا کا اجالا ہم نہ بیچیں گے

گلستاں بیچ کر کھانا ہوس کاروں کا شیوہ ہے

چمن والو پپیہوں کا ترنم ہم نہ بیچیں گے

بھری محفل میں دوراںؔ آج ہم پھر عہد کرتے ہیں

جو ہے انسانیت کی آس وہ پرچم نہ بیچیں گے

khazane bhi milen us ke ewaz to ham na bechenge

hamara gham hai mazlumon ka gham ye gham na bechenge

kuhistanon se patthar kat kar laenge ham lekin

kisi zalim ke hathon zakhm ka marham na bechenge

bala se dhul phanken ya purane chithre pahnen

magar yaro mata-e-ilm-o-danish ham na bechenge

kisi darbar mein ja kar adab aur fan ki surat mein

tumhari ambarin zulfon ke pech-o-kham na bechenge

hamara inqilab aega jab to kam aega

abhi apni tamanna ka ujala ham na bechenge

gulistan bech kar khana hawas karon ka shewa hai

chaman walo papihon ka tarannum ham na bechenge

bhari mahfil mein dauran aj ham phir ahd karte hain

jo hai insaniyat ki as wo parcham na bechenge