ہر سانس کو مہکائیے اب دیر نہ کیجے

ہر سانس کو مہکائیے اب دیر نہ کیجے

اک پھول سا کھل جائیے اب دیر نہ کیجے

اک جام محبت سے مسرت سے بھرا جام

چھلکائیے چھلکائیے اب دیر نہ کیجے

سچ کہتا ہوں اک عمر سے پیاسی ہے یہ محفل

پیمانہ بکف آئیے اب دیر نہ کیجے

ساون کی گھٹا بن کے سلگتی ہوئی رت میں

دنیا پہ برس جائیے اب دیر نہ کیجے

زنجیر میں جکڑے ہوئے دیوانوں کو اپنے

سولی سے اتروائیے اب دیر نہ کیجے

سناٹا ہر اک روح کو اب ڈسنے لگا ہے

اک گیت کوئی گائیے اب دیر نہ کیجے

اس عہد شرر بار پہ پھر امن کی شبنم

برسائیے برسائیے اب دیر نہ کیجے

تلواروں نے چمکایا ہے مقتل کی زمیں کو

تلواروں کو دفنائیے اب دیر نہ کیجے

اک اور حسیں خواب کہ مٹ جائے شب غم

دوراںؔ کو بھی دکھلائیے اب دیر نہ کیجے

har sans ko mahkaiye ab der na kije

ik phul sa khul jaiye ab der na kije

ik jam-e-mohabbat se masarrat se bhara jam

chhalkaiye chhalkaiye ab der na kije

sach kahta hun ik umr se pyasi hai ye mahfil

paimana bakaf aiye ab der na kije

sawan ki ghata ban ke sulagti hui rut mein

duniya pe baras jaiye ab der na kije

zanjir mein jakre hue diwanon ko apne

suli se utarwaiye ab der na kije

sannata har ik ruh ko ab dasne laga hai

ik git koi gaiye ab der na kije

is ahd-e-sharar bar pe phir amn ki shabnam

barsaiye barsaiye ab der na kije

talwaron ne chamkaya hai maqtal ki zamin ko

talwaron ko dafnaiye ab der na kije

ik aur hasin khwab ke mit jae shab-e-gham

dauran ko bhi dikhlaiye ab der na kije