اے ہم نفسو! شب ہے گراں جاگتے رہنا
Owais Ahmad Dauran (b. 1938)اے ہم نفسو! شب ہے گراں جاگتے رہنا
ہر لحظہ ہے یاں خطرۂ جاں جاگتے رہنا
ایسا نہ ہو یہ رات کوئی حشر اٹھا دے
اٹھتا ہے ستاروں سے دھواں جاگتے رہنا
اب حسن کی دنیا میں بھی آرام نہیں ہے
ہے شور سر کوئے بتاں جاگتے رہنا
یہ صحن گلستاں نہیں مقتل ہے رفیقو!
ہر شاخ ہے تلوار یہاں جاگتے رہنا
بے داروں کی دنیا کبھی لٹتی نہیں دوراںؔ
اک شمع لئے تم بھی یہاں جاگتے رہنا
ai ham nafaso! shab hai giran jagte rahna
har lahza hai yan khatra-e-jan jagte rahna
aisa na ho ye rat koi hashr utha de
uthta hai sitaron se dhuan jagte rahna
ab husn ki duniya mein bhi aram nahin hai
hai shor-e-sar ku-e-butan jagte rahna
ye sehn-e-gulistan nahin maqtal hai rafiqo!
har shakh hai talwar yahan jagte rahna
be daron ki duniya kabhi lutti nahin dauran
ik shama liye tum bhi yahan jagte rahna