قریب آنے لگا وہ تو رات گہری ہوئی

قریب آنے لگا وہ تو رات گہری ہوئی

وہ رات ٹھہری رہی جب تلک دوپہری ہوئی

سبوں نے اپنے پیاروں کے لب چکھے علی الصبح

گزار کر شب ہجراں سبوں کی سحری ہوئی

وہ کون ہوگا جو واپس نہ لوٹ پائے گا

ہے انتظار میں اک رہ گزار ٹھہری ہوئی

ہمارے چہرے کی زردی پہ ہاتھ رکھ اس نے

اک ایسا رنگ لگایا کہ چھب سنہری ہوئی

اڑائے خاک تو تاروں سے بھر گئے افلاک

بچھائے تار گریباں کے تو مسہری ہوئی

qarib ane laga wo to rat gahri hui

wo rat thahri rahi jab talak dopahari hui

sabon ne apne pyaron ke lab chakhe ali alssubh

guzar kar shab-e-hijran sabon ki sahari hui

wo kaun hoga jo wapas na laut paega

hai intizar mein ik rah guzar thahri hui

hamare chehre ki zardi pe hath rakh us ne

ik aisa rang lagaya ke chhab sunahri hui

urae khak to taron se bhar gae aflak

bichhae tar-e-gareban ke to masahri hui