وہ بار فرض تکلف مجھی کو ڈھونا پڑا

وہ بار فرض تکلف مجھی کو ڈھونا پڑا

اسے رلانے کی خاطر مجھے بھی رونا پڑا

وہ ایک حسن تھا جس کی تھی صرف خواب میں بود

اسے جگانے کی چاہت میں مجھ کو سونا پڑا

میں دیکھتا ہوں یہ چھینٹے لگیں گے کس کے ہاتھ

مجھے جو آج اداسی سے ہاتھ دھونا پڑا

یہ کیا ہوا کہ تری دھن میں جن سے بچھڑے تھے

انہیں کے سامنے تجھ سے بچھڑ کے رونا پڑا

میں اپنی مرضی سے اس دنیا میں ہوا کب تھا

معانی یہ ہیں کہ مجھ کو جہاں میں ہونا پڑا

wo bar farz takalluf mujhi ko dhona para

use rulane ki khatir mujhe bhi rona para

wo ek husn tha jis ki thi sirf khwab mein bud

use jagane ki chahat mein mujh ko sona para

main dekhta hun ye chhinte lagenge kis ke hath

mujhe jo aj udasi se hath dhona para

ye kya hua ke tiri dhun mein jin se bichhre the

unhen ke samne tujh se bichhar ke rona para

main apni marzi se is duniya mein hua kab tha

maani ye hain ke mujh ko jahan mein hona para