تمہیں آنسو بہانے کو بھی مل جائیں کئی کندھے

تمہیں آنسو بہانے کو بھی مل جائیں کئی کندھے

مگر مجھ کو اذیت میں پریشاں کون دیکھے گا

تمہیں جو اس کی خاطر جاگتے بیٹھے رہے شب بھر

جو اب سو جاؤ تو صبح درخشاں کون دیکھے گا

میں بھاگا تو چلا آؤں تمہاری اک ندا سن کر

سر وقت جنوں انکار درباں کون دیکھے گا

میں تیرے ہجر میں بیٹھا ہوا کچھ پھول گن لوں گا

میان بے دلی رنگ گلستاں کون دیکھے گا

تمہیں کیوں فکر رہتی ہے مرے پندار کی جاناں

تمہارے رخ کے آگے مجھ کو عریاں کون دیکھے گا

tumhen ansu bahane ko bhi mil jaen kai kandhe

magar mujh ko aziyyat mein pareshan kaun dekhega

tumhen jo us ki khatir jagte baithe rahe shab bhar

jo ab so jao to subh-e-darakhshan kaun dekhega

main bhaga to chala aun tumhari ik nida sun kar

sar-e-waqt-e-junun inkar darban kaun dekhega

main tere hijr mein baitha hua kuchh phul gin lunga

miyan-e-be dili rang-e-gulistan kaun dekhega

tumhen kyun fikr rahti hai mire pindar ki janan

tumhare rukh ke age mujh ko uryan kaun dekhega