ڈرتے تھے اسی سبزہ آبائی سے پہلے

ڈرتے تھے اسی سبزہ آبائی سے پہلے

چہرے پہ مسیں پھوٹ پڑیں کائی سے پہلے

پھر آنکھوں نے تخلیق کے سامان جٹائے

ہم تجھ سے ملے تھے تری رعنائی سے پہلے

سنتے ہیں شعاعیں ہیں صداؤں سے سبک گام

بینائی چلی جاتی ہے گویائی سے پہلے

اور اب تری پرچھائیں کے چرچے ہیں سبھی اور

کیا دھوپ کھلی تھی تری انگڑائی سے پہلے

پچھم کی ہوا لے گئی پچھم سے ہمیں دور

پورب کی طرف اڑتے تھے پربائی سے پہلے

ہمت سے سوا تاب ندامت میں ہے یارو

ہم ڈوب گئے پانی کی گہرائی سے پہلے

darte the isi sabza abai se pahle

chehre pe masen phut paren kai se pahle

phir ankhon ne takhliq ke saman jatae

ham tujh se mile the tiri raanai se pahle

sunte hain shuaen hain sadaon se subuk gam

binai chali jati hai goyai se pahle

aur ab tiri parchhain ke charche hain sabhi aur

kya dhup khuli thi tiri angrai se pahle

pachchham ki hawa le gai pachchham se hamen dur

purab ki taraf urte the purbai se pahle

himmat se siwa tab nadamat mein hai yaro

ham dub gae pani ki gahrai se pahle