عالم امکاں میں دنیا کی ہوا تھی میں نہ تھا

عالم امکاں میں دنیا کی ہوا تھی میں نہ تھا

جلوہ آرا صرف ذات کبریا تھی میں نہ تھا

کر دیا بیدار جس نے ساکنان عرش کو

وہ کسی درد آشنا دل کی صدا تھی میں نہ تھا

منتشر جس نے کیا تھا ان کی زلف ناز کو

سچ اگر پوچھو تو وہ باد صبا تھی میں نہ تھا

کھل گیا جو راز الفت آج اہل بزم پر

یہ تمہاری مست نظروں کی خطا تھی میں نہ تھا

تنگ آ کر گردش ایام سے بہر سجود

وہ تو میری زندگی وقف دعا تھی میں نہ تھا

حد سے جب قیصرؔ بڑھی ان کی جفائے ناروا

جو بروئے کار آئی وہ وفا تھی میں نہ تھا

alam-e-imkan mein duniya ki hawa thi main na tha

jalwa ara sirf-e-zat-e-kibriya thi main na tha

kar diya bedar jis ne sakinan-e-arsh ko

wo kisi dard-e-ashna dil ki sada thi main na tha

muntashir jis ne kiya tha un ki zulf-e-naz ko

sach agar puchho to wo bad-e-saba thi main na tha

khul gaya jo raz-e-ulfat aj ahl-e-bazm par

ye tumhari mast nazron ki khata thi main na tha

tang a kar gardish-e-ayyam se bahr-e-sujud

wo to meri zindagi waqf-e-dua thi main na tha

had se jab qaisar barhi un ki jafa-e-narawa

jo baru-e-kar ai wo wafa thi main na tha