نظام گلشن ہستی بدل کے دم لیں گے

نظام گلشن ہستی بدل کے دم لیں گے

حدود رنج و الم سے نکل کے دم لیں گے

شعور حاصل مقصد جسے سمجھتا ہے

یہ عزم ہے اسی منزل پہ چل کے دم لیں گے

متاع امن لٹائیں گے ہم زمانے میں

نظام جبر و تشدد کچل کے دم لیں گے

ندیم بحر مصیبت میں صورت طوفاں

مچل مچل کے اٹھیں گے سنبھل کے دم لیں گے

نہیں پسند رواج کہن ہمیں قیصرؔ

نئے نظام کے سانچے میں ڈھل کے دم لیں گے

nizam-e-gulshan-e-hasti badal ke dam lenge

hudud-e-ranj-o-alam se nikal ke dam lenge

shuur-e-hasil maqsad jise samajhta hai

ye azm hai isi manzil pe chal ke dam lenge

mata-e-amn lutaenge ham zamane mein

nizam-e-jabr-o-tashaddud kuchal ke dam lenge

nadim bahr musibat mein surat tufan

machal machal ke uthenge sambhal ke dam lenge

nahin pasand riwaj-e-kuhan hamen qaisar

nae nizam ke sanche mein dhal ke dam lenge