نظر نواز نظاروں سے بات کرتا ہوں

نظر نواز نظاروں سے بات کرتا ہوں

سکوں نصیب سہاروں سے بات کرتا ہوں

الجھ رہا ہے جو خاروں میں پھر سے یہ دامن

خزاں بدوش بہاروں سے بات کرتا ہوں

تمہارے عشق میں تم سے جدا جدا رہ کر

غم فراق کے ماروں سے بات کرتا ہوں

ترے بغیر یہ عالم ارے معاذ اللہ

فلک کے چاند ستاروں سے بات کرتا ہوں

وفور اشک سے یہ حال ہو گیا قیصرؔ

یم الم کے کناروں سے بات کرتا ہوں

nazar nawaz nazaron se bat karta hun

sukun nasib saharon se bat karta hun

ulajh raha hai jo kharon mein phir se ye daman

khizan badosh baharon se bat karta hun

tumhare ishq mein tum se juda juda rah kar

gham-e-firaq ke maron se bat karta hun

tire baghair ye alam are maaz allah

falak ke chand sitaron se bat karta hun

wafur-e-ashk se ye hal ho gaya qaisar

yam-e-alam ke kinaron se bat karta hun