آتش سوز محبت کو بجھا سکتا ہوں میں

آتش سوز محبت کو بجھا سکتا ہوں میں

دیدۂ پر نم سے اک دریا بہا سکتا ہوں میں

حسن بے پروا ترا بس اک اشارہ چاہئے

میری ہستی کیا ہے ہستی کو مٹا سکتا ہوں میں

یہ تو فرما دیجئے تکمیل الفت کی قسم

آپ کو کیا واقعی اپنا بنا سکتا ہوں میں

عشق میں روز ازل سے دل ہے پابند وفا

بھولنے والے تجھے کیونکر بھلا سکتا ہوں میں

ہم نفس مطلق بھی طوفان الم کا غم نہیں

بحر کی ہر موج کو ساحل بنا سکتا ہوں میں

بخش دی ہیں عشق نے اس درجہ مجھ کو ہمتیں

زخم کھا کر دل پہ قیصرؔ مسکرا سکتا ہوں میں

atish-e-soz-e-mohabbat ko bujha sakta hun main

dida-e-pur nam se ik dariya baha sakta hun main

husn-e-be parwa tira bas ik ishara chahiye

meri hasti kya hai hasti ko mita sakta hun main

ye to farma dijiye takmil-e-ulfat ki qasam

ap ko kya waqai apna bana sakta hun main

ishq mein roz-e-azal se dil hai paband-e-wafa

bhulne wale tujhe kyunkar bhula sakta hun main

ham nafas mutlaq bhi tufan-e-alam ka gham nahin

bahr ki har mauj ko sahil bana sakta hun main

bakhsh di hain ishq ne is darja mujh ko himmaten

zakhm kha kar dil pe qaisar muskura sakta hun main