تری نظر کے اشاروں کو دلکشی بخشی

تری نظر کے اشاروں کو دلکشی بخشی

نظر نواز نظاروں کو تازگی بخشی

خزاں کی زد میں ہی اب تک ترا گلستاں تھا

ہمیں نے آ کے بہاروں کو زندگی بخشی

چمن کو ہم نے ہی اپنے لہو سے سینچا ہے

کلی کو ہم نے ہی اک طرز دلکشی بخشی

تری ادا بھی ادا ہے وہ اک قیامت کی

یہ اور بات ہے تاروں کو دلکشی بخشی

ہے زعم چاک گریباں کو اپنی قسمت پر

کہ تم نے کیوں نہ مجال رفو گری بخشی

سنا دو اہل وفا کو یہ فلسفہ قیصرؔ

جنوں نے ہوش کی دنیا کو آگہی بخشی

tiri nazar ke isharon ko dilkashi bakhshi

nazar nawaz nazaron ko tazgi bakhshi

khizan ki zad mein hi ab tak tira gulistan tha

hamen ne a ke baharon ko zindagi bakhshi

chaman ko ham ne hi apne lahu se sincha hai

kali ko ham ne hi ik tarz-e-dilkashi bakhshi

tiri ada bhi ada hai wo ik qayamat ki

ye aur bat hai taron ko dilkashi bakhshi

hai zaam chak-e-gareban ko apni qismat par

ke tum ne kyun na majal-e-rafu giri bakhshi

suna do ahl-e-wafa ko ye falsafa qaisar

junun ne hosh ki duniya ko agahi bakhshi