تری نظر کے اشاروں کو نیند آئی ہے

تری نظر کے اشاروں کو نیند آئی ہے

حیات بخش سہاروں کو نیند آئی ہے

ترے بغیر تیرے انتظار سے تھک کر

شب فراق کے ماروں کو نیند آئی ہے

سحر قریب ہے ارماں اداس دل غمگیں

فلک پہ چاند ستاروں کو نیند آئی ہے

ترے جمال سے تعبیر تھے جو الفت میں

اب ان حسین نظاروں کو نیند آئی ہے

ہر ایک موج ہے ساکت یم محبت کی

مرے بغیر کناروں کو نیند آئی ہے

چمن میں زحمت گلگشت آپ فرمائیں

یہ سن رہا ہوں بہاروں کو نیند آئی ہے

کہو یہ ساقی صہبا نواز سے قیصرؔ

پھر آج بادہ گساروں کو نیند آئی ہے

tiri nazar ke isharon ko nind ai hai

hayat bakhsh saharon ko nind ai hai

tire baghair tere intizar se thak kar

shab-e-firaq ke maron ko nind ai hai

sahar qarib hai arman udas dil ghamgin

falak pe chand sitaron ko nind ai hai

tire jamal se taabir the jo ulfat mein

ab un hasin nazaron ko nind ai hai

har ek mauj hai sakit yam-e-mohabbat ki

mire baghair kinaron ko nind ai hai

chaman mein zahmat gulgasht ap farmaen

ye sun raha hun baharon ko nind ai hai

kaho ye saqi sahba nawaz se qaisar

phir aj bada gusaron ko nind ai hai