تجھے بھی چین نہ آئے قرار کو ترسے

تجھے بھی چین نہ آئے قرار کو ترسے

چمن میں رہ کے چمن کی بہار کو ترسے

الٰہی برق وہ ٹوٹے جمال پر تیرے

کلی کی طرح سے تو بھی نکھار کو ترسے

تمام عمر رہے میرا منتظر تو بھی

تمام عمر مرے انتظار کو ترسے

نہ ہو نصیب محبت کی زندگی تجھ کو

سکون زیست کو ڈھونڈے قرار کو ترسے

دعا ہے قیصرؔ مہجور کی یہی پیہم

کہ تو بھی جلوۂ رخسار یار کو ترسے

tujhe bhi chain na ae qarar ko tarse

chaman mein rah ke chaman ki bahar ko tarse

ilahi barq wo tute jamal par tere

kali ki tarah se tu bhi nikhar ko tarse

tamam umr rahe mera muntazir tu bhi

tamam umr mire intizar ko tarse

na ho nasib-e-mohabbat ki zindagi tujh ko

sukun-e-zist ko dhunde qarar ko tarse

dua hai qaisar mahjur ki yahi paiham

ke tu bhi jalwa-e-rukhsar-e-yar ko tarse