ہم جو سارے جہان والے ہیں

ہم جو سارے جہان والے ہیں

گم شدہ داستان والے ہیں

کیوں نہ برسات میں ہوں خوفزدہ

وہ جو کچے مکان والے ہیں

ہم غریبوں سے کیوں نہیں ملتے

کیا وہ اونچی اڑان والے ہیں

ٹوٹی قبروں سے آ رہی ہے صدا

بے نشاں بھی نشان والے ہیں

ہم کو شوکیس میں سجا لیں گے

جب وہ اونچی دوکان والے ہیں

راہ میں وہ بھٹک نہیں سکتے

جو بڑی آن بان والے ہیں

موت سے بھی کہیں نہیں ڈرتے

ہم بڑی سخت جان والے ہیں

بند کمرے میں رہ نہیں سکتے

ہم کھلے سائبان والے ہیں

اونچے محلوں پہ ناز کیوں ہے تمہیں

ہم بھی تو آسمانوں والے ہیں

سوچ کر کوئی گفتگو کیجئے

در و دیوار کان والے ہیں

پیار شیوہ ہمارا ہے گوہرؔ

ہم بھی ہندوستان والے ہیں

ham jo sare jahan wale hain

gum shuda dastan wale hain

kyun na barsat mein hun khaufzada

wo jo kachche makan wale hain

ham gharibon se kyun nahin milte

kya wo unchi uran wale hain

tuti qabron se a rahi hai sada

be nishan bhi nishan wale hain

ham ko shokes mein saja lenge

jab wo unchi dukan wale hain

rah mein wo bhatak nahin sakte

jo bari an ban wale hain

maut se bhi kahin nahin darte

ham bari sakht jan wale hain

band kamre mein rah nahin sakte

ham khule saiban wale hain

unche mahlon pe naz kyun hai tumhen

ham bhi to asmanon wale hain

soch kar koi guftugu kijiye

dar-o-diwar kan wale hain

pyar shewa hamara hai gauhar

ham bhi hindostan wale hain