Arooz is now on the App Store, for iPhone and iPad. Download →

All poetry

دیکھ کر رنگ ان کی محفل کا

Gauhar Shaikh Purwi (b. 1951)

دیکھ کر رنگ ان کی محفل کا

ہو گیا پست حوصلہ دل کا

کھو گیا جب خیال منزل میں

مل گیا ہے سراغ منزل کا

جب ستم سہہ کے لوگ ہیں خاموش

حوصلہ کیوں بڑھے نہ قاتل کا

آپ دیکھیں نہ تیز نظروں سے

پھوٹ جائے گا آبلہ دل کا

پوچھتے ہیں وہ حال میں چپ ہوں

آ گیا ہے مقام مشکل کا

بیٹھ جائیں جو دو قدم چل کر

کیا نشاں پا سکیں گے منزل کا

اور اک وار کی ضرورت ہے

یہ تقاضا ہے تیرے بسمل کا

غم و حسرت کی سختیاں تو برا

چور ہے آئنہ مرے دل کا

کوششیں کرکے تھک گیا گوہرؔ

پھر بھی رستہ ملا نہ منزل کا