بدلا ہوا دنیا کا چلن دیکھ رہا ہوں

بدلا ہوا دنیا کا چلن دیکھ رہا ہوں

تہذیب کے ماتھے پہ شکن دیکھ رہا ہوں

تو نے جو گرا لیں رخ پر نور پہ زلفیں

سورج کے بھی چہرے پہ گہن دیکھ رہا ہوں

وہ مجھ سے وفاؤں کی سند مانگ رہے ہیں

میں جن کو یہاں عہد شکن دیکھ رہا ہوں

پھولوں میں نہ پہلی سی وہ خوشبو ہے نہ وہ رنگ

بھونروں کو گرفتار محن دیکھ رہا ہوں

جس عہد میں فن کار کی عزت نہیں باقی

میں آج وہی دور فتن دیکھ رہا ہوں

صحرا ہو کہ گلزار گرا دیتا ہے بجلی

کیا طور ترے چرخ کہن دیکھ رہا ہوں

اب رند بھی ایسے میں بدل جائیں تو بہتر

بدلا ہوا ساقی کا چلن دیکھ رہا ہوں

اطوار زمانے کے عجب ہو گئے گوہرؔ

عصمت کی کلائی میں رسن دیکھ رہا ہوں

badla hua duniya ka chalan dekh raha hun

tahzib ke mathe pe shikan dekh raha hun

tu ne jo gira len rukh pur nur pe zulfen

suraj ke bhi chehre pe gahan dekh raha hun

wo mujh se wafaon ki sanad mang rahe hain

main jin ko yahan ahd shikan dekh raha hun

phulon mein na pahli si wo khushbu hai na wo rang

bhaunron ko giraftar-e-mehan dekh raha hun

jis ahd mein fan kar ki izzat nahin baqi

main aj wahi dur fatan dekh raha hun

sahra ho ke gulzar gira deta hai bijli

kya tur tire charkh-e-kuhan dekh raha hun

ab rind bhi aise mein badal jaen to behtar

badla hua saqi ka chalan dekh raha hun

atwar zamane ke ajab ho gae gauhar

ismat ki kalai mein rasan dekh raha hun