کیوں میں بار دگر جاؤں

کیوں میں بار دگر جاؤں

پھر سے اس کے در جاؤں

تجھ آنکھوں سے جہاں دیکھوں

بے رنگی سے ڈر جاؤں

تو چاہے تو جی اٹھوں

تو چاہے تو مر جاؤں

میں بے انت سمندر ہوں

کیسے دریا میں اتر جاؤں

چادر شب ہوں میں تیری

تو اوڑھے تو سنور جاؤں

خواب نہ دیکھوں تو عنبرؔ

شاید میں بھی مر جاؤں

kyun main bar-e-digar jaun

phir se us ke dar jaun

tujh ankhon se jahan dekhun

be rangi se dar jaun

tu chahe to ji uthun

tu chahe to mar jaun

main be ant samundar hun

kaise dariya mein utar jaun

chadar shab hun main teri

tu orhe to sanwar jaun

khwab na dekhun to ambar

shayad main bhi mar jaun